Kordoi Etxea

Sarrerako arkuetako baten inguruan harrizko soka frantziskotar bat ageri duelako du Kordoi Etxeak izen hori. Erdi Aroko eraikin zibilen adibide aparta da. Pedro Sanchez Bilbao merkatariaren aginduz eraiki zuten XV. mendean.

Antzinako dorre baten aztarnak ditu barruan eta behe Erdi Aroko merkataritza-etxe baten ezaugarri ugari mantentzen ditu. Gainera, izar-ganga gotiko bat duen eraikin zibil bakanetakoa da.

Bi arku zorrotz handi ditu aurreko horman. Gertakizun garrantzitsu askoren lekuko izan da. Esate baterako, Utrecheko Adrianek bertan zegoela jakin zuen Aita Santu izendatu zutela.

Vital Fundazioaren egoitza da egun.