San Nikolas eliza

1756an zabaldu zuten eliza hau, hamahiru eraikitze lanetan eman ostean. Loyola Ignacio Ibero maisuaren proiektuaren arabera egin zen. Karratu batean sartutako gurutze grekoaren formako oinplanoa izango zuen eliza egiteko ideia izan zuen; garai hartarako ohikoa ez zen proposamena izan zen hura. 

Alboetan gelditzen ziren zatietan kaperak eta sakristia jarri zituen. Sabaia osatzen duen kupula ikusgarriak prisma itxura du kanpotik, baina aurrean daukan kanpai-hormak ezkutatzen du. Horma nagusia hiru zatitan banatua dago: alde batean sarrera dago eta, albo banatan dorreak ditu. Bere osotasunean ederra bada ere, sarreraren gaineko tinpanoan dagoen brontzezko erliebeak are dotoretasun handiagoa ematen dio. 

Eliza barruan, rokoko estiloko eskulturaren erakusgarri diren bost erretaula gordetzen dira, Juan Pascual de Menak egindakoak guztiak.