Jarrai iezaguzu
Jarrai iezaguzu
Arte eta Kultura
Ondare kulturala
La Bolsa eraikina edo John jauregia Bilboko Zapikaleetan dago. Hiru kaleetara zabaltzen da eraikin barroko hau. Hiruretatik ikusgarriena Pelota kalera ematen duen aurrealdea da.
Sarrera nagusia dintelduna da eta moldura batez inguratuta dago. Begoñako Amaren irudia dago horma-hobi batean.
Torre kalera ematen duen aldeko sarrera berriz dekorazio gutxikoa da, goian balkoia du eta armarria ere alde honetan dago.
Harlanduzkoa da eraikina eta barne patioa du. Hiru solairukoa da eta zirkulu-laurdeneko harrizko maila altu eta zabal batean hasten diren harrizko eskailerak ditu.
Gaur egun kultura eta gizarte ekintzetarako erabiltzen da jauregia.
Hitzaldiak, prentsaurrekoak, erakusketak eta abar antolatzen dira. Kultur gunea da.
