Txikiteoan Bilbon barrena

Bilbon bizirik dirau txikiteoak, lagunartean tabernaz taberna baxoerdi bat ardo hartzeko ohiturak. Garai batean, gizonezkoak bakarrik irteten ziren tragoxka batzuk hartzera, iluntzeetan, batik bat, ostegun eta ostiraletan. Egun, emakumeek ere badute txikiteoan ibiltzeko ohitura hori. Izenaren jatorriari dagokionez, baxoerdiaren prezioari zor zaio, "txakur txiki" edo "txikito" batekoa baitzen. Egun, txikiteoan aritzea eta, horrekin batera, pintxoak jatea erabat zabalduta dauden bi ohitura dira.