Esperientzia enogastronomikoa Azurmendi Jatetxean | Top bidaiak Euskadin | Turismoa Euskadi - Turismoa Euskadin
Joan edukira

Esperientzia enogastronomikoa

Larrabetzun, gune ikusgarri batez gozatu ahal izango duzu, non gastronomiarik abangoardistena enologiarekin eta txakolinaren kulturarekin uztartzen diren. Eneko Atxa da guztiaren buru, Azurmendi Jatetxeko sukaldari ospetsua, hain zuzen, 3 Michelin izarrekin saritua. Azurmendi*** Jatetxean sentipenak ugaritu egiten dira, eta txoko, zehaztasun eta zerbitzu orotan ageri dira ispilatuta Eneko Atxaren nortasuna eta filosofia.

2017an, Elite Traveller aldizkariak munduko jatetxerik onena izendatu zuen. Bi menu ditu, bakoitzaren nahien arabera aukeratzekoak: Erroak menua eta Adarrak menua, bi-biak ardo bikainez lagundutakoak.

Igandetan, Gorka Izagirre upategira ere egin ahal izango da bisita. Bertan, kalitate goreneko txakolina egiten dute, bai erabiltzen diren mahatsen bikaintasunari esker, bai mahastietan zein upategian eskaintzen zaien arretari esker.

Gaia

  • Gastronomia

Egokia hauentzat

  • Bikotekidea
  • Lagunak

Barne hartzen du

- Adarrak edo Erroak menuaren dastatzea, nork bere aukeraren arabera.

Igandetan, upategietara bisita gidatua egiteko aukera ere izango, 13:00etan.

Ez du barne hartzen

Ez du barne hartzen esperientziaren abiapunturako garraioa

Gutxieneko pertsona kopurua

Ez dago gutxienekorik.

Iraupena

2 ordu 45 minutu

Noiz egin daiteke

Astelehena: Itxita Asteartea, asteazkena, osteguna eta igandea: 13:00 - 15:00 Ostirala eta larunbata: 13:00 - 15:00 / 20:00 - 22:00

Informazio gehiago: https://azurmendi.restaurant/eu/menuak/

Hizkuntzak

Gaztelania, Euskara, Ingelesa