Gerediagako Batzaretxea

Gerediagako Batzaretxea Abadiñon dago, eta bertan biltzen ziren behiala Durangaldeako ordezkariak kontu garrantzitsuez erabakiak hartu behar zituztenean.

Batzarretxe hau, Gernika eta Abellanedakoekin batera, Bizkaiko Batzar Nagusien egoitza ofiziala da, eta Europako parlamenturik zaharrena eratzen dutelako dira ezagunak. Beraz, balio historiko handikoa da. San Salbador eta San Klementeren ermita bisita daiteke, taila ederrak baititu, mendeetan eskualdeko ordezkari bakoitza esertzen zen harrizko eserlekuak dituen foru-zelaia, esaterako. Zelaian informazio-panel batzuk jarri dira Imanol Larrinaga margolariaren ilustrazioekin, gazteleraz, euskaraz eta ingelesez. Horietan xehetasunez erakusten da Batzar Etxearen historia eta bilakaera.

Aipatu beharrekoak dira, baita, Foruen haritza eta 1633ko Gurutzea, biak ere kanpoaldean ikusteko moduan. Zelaia toki pribilegiatu batean dago, bista zoragarriak eskaintzen ditu Anboto mendira eta Urkiolako Parke Naturalera.